।। श्री ।।
सप्रेम नमस्कार विनंती विशेष,
प्रत्येक आठवड्यात एक पत्र आणि आपल्या ऑनलाईन, जेंव्हा वेळ मिळेल तेंव्हा होणाऱ्या गप्पा —
हा माझ्या आयुष्याचा एक भाग झालेला आहे. मनापासून सगळ्यांना धन्यवाद. वेळ काढून तुम्ही रिप्लाय करता यासाठी अजून जास्त धन्यवाद.
मागच्या आठवड्यात आपण “काहीतरी ऍक्शन घेऊया” या विषयावर गप्पा मारल्या. आज पण मला भरपूर बोलायचं आहे. विषय आहे — पुस्तकं विकणारे मोठे मोठे ऑथर्स.
मी एक कल्पना केली: आजच्या काळातले बेस्ट-सेलिंग ऑथर्स समर्थ रामदासांना भेटले तर? त्यांच्या काय गप्पा झाल्या असतील? तेच आजच्या पत्रात बघूया. लेट्स गो!
परमार्थ हा कंटाळवाणा असतो!
आपल्याकडे, विशेषतः महाराष्ट्रात, एक सर्वसाधारण समज आहे की परमार्थ म्हणजे रिटायर्ड झाल्यावर करायची गोष्ट.
परमार्थाचा खरा अर्थ म्हणजेच परम–अर्थ.
“परम” म्हणजे उच्च कोटीचा, म्हणजे आजच्या भाषेत हाय-लेव्हल!
आणि “अर्थ” म्हणजे समजून घेणे.
पण उच्च कोटीचा अर्थ सगळी कामं करून झाल्यावरच का समजून घ्यायचा?
म्हणजे आयुष्यभर अर्धवट समजुतींवर काम करायचं आणि शेवटी जाऊन परम-अर्थ शोधायचा?
हे काही लॉजिक मला काही पटलं नाही.
हा परम अर्थ समजावून सांगण्याचा प्रयत्न जर कोणी केला असेल तर ते आहेत भारतीय ग्रंथ.
पण जेव्हा आपण म्हणतो की ते संस्कृतमध्ये आहेत, अवघड मराठीत आहेत, जुने आहेत, समजत नाहीत,
तेव्हा अनेकजण या ग्रंथांचा अभ्यासच करत नाहीत.
त्यातही काही लेखक असे आहेत जे परम-अर्थातील अगदी छोटा भाग सोप्या भाषेत समजावून देतात.
आणि त्या छोट्या भागाला सर्वांनी मिळून Self-Help हे नावं दिलं आहे.
सेल्फ-हेल्प हा पुस्तकांचा प्रकार लोकांना खूप आवडतो.
Self-help लिहिणारे लेखक आणि ही पुस्तकं वाचणारे लोक —हा एक वेगळाच मोठा ग्रुप आहे.
परमार्थाला इंटरेस्टिंग करूया का?
एक मस्त कीर्तनकार आणि प्रवचनकार आहेत "मकरंद बुवा रामदासी", त्यांना मी एकदा म्हणताना ऐकलं होतं —
“एन्जॉय करत करत परमार्थाचा अभ्यास करा.” एन्जॉय म्हणजे अभ्यास मजेत करा.
मी जेव्हा एन्जॉय करून अभ्यास करायला लागलो,
तेव्हा मला कितीतरी अशा गोष्टी सापडल्या ज्या सेल्फ-हेल्प पुस्तकात जशाच्या तशा लिहिलेल्या आहेत,
आणि त्या आपल्या ग्रंथांमध्ये आधीच होत्या. मग मी मज्जा म्हणून आजच्या self-help कन्सेप्ट्स आणि भारतीय ग्रंथांमधून मिळालेले कन्सेप्ट्स वेगळे लिहून ठेवायला सुरुवात केली.
आजपासून पुढच्या काही आठवड्यात हेच कन्सेप्ट्स —
नावाने नवीन पण प्रत्यक्षात जुने — आपण एकत्र समजून घेऊया.
तुम्हाला एकही कन्सेप्ट सुटू नये असं वाटत असेल, तर माझं Newsletter इथे Subscribe करा.
रविवारी सकाळी ९ वाजता ई-मेलवर पत्र मिळेल.
आधी Self-help प्रकार समजून घेऊया.
Self-help books म्हणजे स्वतःला स्वतः सुधारण्यासाठी मदत करणारी पुस्तकं.
ती पुस्तकं तुम्हाला काय काय शिकवतात?
- चांगल्या सवयी कशा बनवायच्या
- विचार कसा बदलायचा
- आत्मविश्वास कसा वाढवायचा
- लोकांशी कसं बोलायचं
- पैसे आणि वेळ कसा सांभाळायचा
- शांत, स्थिर आणि मजबूत कसं रहायचं
थोडक्यात त्यांचा अर्थ —
“तुम्ही स्वतः, स्वतःची मदत करा. Self-Help.”
काही बेस्ट-सेलिंग पुस्तकं आणि लेखक:
- Atomic Habits — James Clear
- The 7 Habits of Highly Effective People — Stephen Covey
- How to Win Friends & Influence People — Dale Carnegie
- The Monk Who Sold His Ferrari — Robin Sharma
- Think and Grow Rich — Napoleon Hill
- Ego Is the Enemy — Ryan Holiday
ह्या सगळ्या पुस्तकांचे लेखक फार फार शेकडो वर्षांपूर्वीचे नाहीत;
पण पुस्तकं मात्र एकदम वाचण्यासारखी आणि डोळे उघडणारी आहेत.
बेस्ट-सेलिंग ऑथर्स समर्थांना भेटतात!
मी कल्पना केली —
हे सगळे लेखक त्यांच्या जन्माच्या आधीच समर्थ रामदासांना भेटले!
आणि म्हणाले:
“तुमच्या दासबोधातील काही कन्सेप्ट्स आम्ही नवीन भाषेत मांडू का?”
त्यांना पुस्तक आणि ग्रंथ यातील फरकच समजला नव्हता. समर्थ हसले आणि म्हणाले:
“अरे, आधी पुस्तक आणि ग्रंथ यांच्यातला फरक समजून घ्या!”
ग्रंथ म्हणजे काय?
समर्थांनी म्हणाले :
जेणें होये उपरती । अवगुण पालटती ।
जेणें चुके अधोगती । त्या नांव ग्रंथ ।। ३२ ।।
समर्थ म्हणाले —
साधं पुस्तक आणि ग्रंथ या दोन वेगळ्या गोष्टी.
ज्याच्या श्रवणाने उपरती होते, अवगुण पालटतात, आणि अधोगती चुकते —
त्याला ग्रंथ म्हणतात.
आणि तुम्ही माझ्या ग्रंथातील कन्सेप्ट्स नवीन पद्धतीने जगभर पोहोचवणार असाल,
तर मला काही हरकत नाही. हे बोलून समर्थ निघून गेले.
स्टीफन कोवे म्हणाले,
“वा! इथूनच सुरुवात करूया!”
आणि त्यांनी लिहिलं —
7 Habits of Highly Effective People
कोवे आपल्या पुस्तकाच्या सुरुवातीला म्हणतात:
“This book is not for reading. It is for practicing.
Its true value lies in changing your character.”
थोडक्यात ते सांगतात की:
साधी पुस्तकं माहिती देतात.
Self-help पुस्तकं Character Transformation करतात.
म्हणजेच समर्थांच्या भाषेत —
“अवगुण पालटती.”
Self-help books are different from ordinary books
because their purpose is not to inform, but to transform.
— (अर्थ: Stephen Covey, James Clear, Dale Carnegie, Robin Sharma, Napoleon Hill
सगळ्यांनी वेगवेगळ्या शब्दांत सांगितलेली एकच गोष्ट)
थोडक्यात:
पुस्तकं माहिती देतात.
Self-help book — म्हणजेच समर्थांचा ‘ग्रंथ’ — माणसाचे अवगुण पालटतो, जीवन बदलतो.
हे अजून इंटरेस्टिंग कसं करायचं?
आजपासून पुढच्या ७ रविवारपर्यंत मी तुम्हाला दाखवणार आहे:
Stephen Covey, James Clear, Dale Carnegie, Robin Sharma, Napoleon Hill
ह्यांचे Self-help कन्सेप्ट्स
समर्थांच्या कोणत्या ओवी, कोणत्या समासातून घेतलेले आहेत.
सुरू करण्याआधी एक गोष्ट:
माझा उद्देश कोणालाही मोठं किंवा छोटं दाखवण्याचा नाही.
मी फक्त दाखवतो आहे की नवीन आणि जुनी शिकवण,
वेगवेगळ्या काळात, वेगवेगळ्या भाषेत —
एकदम सारखीच असते.
समर्थांना इंग्रजी येत होतं का, आणि लेखकांना मराठी येत होतं का, असे काहीही तर्क लावायची गरज नाही. हे सगळं फक्त एन्जॉय करा.
शेवटी उद्देश एकच —
अवगुण पालटावे आणि अधोगती चुकावी.
मग ते समर्थांकडून घडो किंवा एखाद्या इंग्रजी ऑथरकडून!
पुढच्या रविवारी…
Next Sunday at 09:00 AM,
आपण वाचूया:
Stephen Covey यांनी पहिली सवय
समर्थ रामदास स्वामीं कडून
दासबोधातील कोणत्या समासातून घेतली?
हे पुढचे ७ रविवार खूप इंटरेस्टिंग असणार आहेत.
म्हणून आधीच Subscribe करून ठेवा.
तोपर्यंत —
स्वस्थ रहा, मस्त रहा, आणि सगळ्यांना इंग्रजी लेखक + समर्थ रामदास स्वामी ह्यांच्या गोष्टी असणाऱ्या पत्रांबद्दल सांगण्यात व्यस्त रहा!
आमचे पत्र नियमित मिळावे असेल तर —
0 Comments